d'w. nuss vo bümpliz geit dür d'strass
liecht & flüchtig, wie nes gas
so unerreichbar höch
bockstössigi himbeerbuebe
schüüch & brav wie schaf
schön fönfrisiert
chöme tubetänzig nöch
& d'spargle wachse i bluetjung morge
d'sunne chunnt's wird langsam warm
sie het meh als hundert ching
& jede früehlig git's es nöis
het d'chiuchefänschterouge off
& macht se zue bi jedem kuss
& we sie lachet wärde bärge zu schtoub
& jedes zäihe läderhärz wird weich
d'w. nuss vo bümpliz
isch schön win es füür i dr nacht
win e rose im schnee
we se gseh duss in bümpliz
de schlat mir mys härz hert im hals
& i gseh win i ungergah
sie wohnt im ne huus us glas
hinger türe ohni schloss
gseht dür jedi muur
dänkt wi nes füürwärch
win e zuckerschtock
läbt win e wasserfau
für sie git's nüt, wo's nid git
& aus wo's git, git's nid für ging
sie nimmt's wie's chunnt & lat's la gah
Bu döküman AkorMerkezi.com'da yayınlanmıştır. http://www.akormerkezi.com